NINA DEFUNS – Reschissura e producenta
Nina Defuns è creschida si a Trun en Surselva. Ella è schurnalista, reschissura e produzenta independenta cun in focus sin films documentars.
Gia d’uffanza era ella fascinada d'istorgias –ed ha emprendì baud da tadlar, observar e dumandar.
Durant sia lavur tar Radiotelevisiun Svizra Rumantscha (RTR) sco redactura, producenta e moderatura (Telesguard, Minisguard, Cuntrasts, Battaporta) ha ella absolvì la scolaziun da schurnalissem cun spezialisaziun TV a la Scola svizra da schurnalissem MAZ (2019). Durant quest temp ha ella dastgà sviluppar cumpetenzas sin differents champs da la producziun – da reschia sur camera fin tar il montaschi.
Oz realisescha ella ovras documentaras cun cor e passiun – gugent cun focus sin tematicas profundas e fundamentalas da l'existenza umana, sco per exempel la naschientscha, destins da vita u la relaziun da l'uman cun la natira e cun il selvadi.