DITTI BÜRGIN-BROOK – Produzent e docent a l’Universitad da film Babelsberg
Ditti Bürgin-Brook, naschì 1965 a Cuira, ha cumenzà sia carriera en las medias cun s’engaschar tar “Menschen für Menschen” da Karlheinz Böhm. 1995 è el daventà il manager da turneas da DJ BoBo ed ha collavurà tar la turnea HIStory da Michael Jackson. Durant otg onns è el stà il manager da Martin Schenkel ed Andru Donalds. Sco producent da televisiun ha el realisà davent dal 1999 emissiuns e cuntegns da multimedia a Turitg e Cologna. 2005 è el daventà manader da la redacziun da Betty TV tar la Swisscom AG. A partir da 2007 ha el manà ina direcziun da studi da la scola auta HTW a Cuira. Davent da 2011 docent a Berlin e Minca. 2014 producent dal film “Schellen-Ursli”. 2018 ha el adattà il roman "Als Hitler das rosa Kaninchen stahl" per il kino, per incumbensa da Warner Bros. Dapi 2017 sviluppa el era cuntegns da realitad virtuala (VR). Ditti Bürgin-Brook fa il pendulari tranter Berlin ed il Grischun.
Filmographia Swiss Films