ALINE SUTER – Reschissura e produzenta

Aline Suter è naschida l’onn 1982 a Genevra. Ella ha studegià a las universitads da Genevra, Barcelona e Berlin e fatg 2006 ses master en istorgia ed estetica dal film. Da 2014 a 2017 ha ella lavurà sco assistenta pedagogica al departement da film da la Scola auta dals arts HEAD-Genève. Actualmain instruescha ella video e tun al center da furmaziun professiunala CFP Arts a Genevra. Ella maina era regularmain ateliers da film cun adolescents che han interrut lur scolaziun.

2013 ha Aline Suter realisà ensemen cun Céline Carridroit il film curt Canorta che tracta la relaziun intima cun sia lingua materna, il rumantsch. Questa retschertga filmica e sonora vegn manada a fin en lur segunda collavuraziun cun il titel Resuns 2014. Suenter la premiera a la concurrenza internaziunala dal festival Vision du Réel è il film vegnì mussà a radund tschuncanta festivals sin l’entir mund. El ha survegnì il premi per il meglier film da lunghezza mesauna dal Festival da Trento. Aline Suter cuntinuescha sia lavur da reschissura cun il film Laetitia 2018 ed en collavuraziun cun Céline Carridroit 2019 cun Les Oiseaux du paradis che è vegnì selecziunà per la concurrenza internaziunala da Dok Leipzig e da plirs festivals internaziunals. 2019 ha ella realisà sia emprima documentaziun sonora Ferristes cun la co-producziun da Le Labo-RTS che ha survegnì in premi al festival Sonohr 2024. Dapi 2022 lavura Aline Suter vi d’in film pli lung en furma ibrida tranter documentaziun e ficziun, ina co-producziun tranter la Svizra e la Frantscha.

aline.suter@gmail.com

Filmographia Swiss Films